ЗА ПРОЕКТОТ “Развиено наследство, вектор на односи и основа за регионален идентитет” кој се спроведува во рамките на Програмата за децентрализирана соработка помеѓу регионот Долна Нормандија и Република Македонија.

За потребите на горенаведениот проект потребно е ангажирање на еден експерт кој треба да изврши ревизија на состојбата на терен на 4-те планински патеки кон црквите и манастирите на Баба Планина дефинирани од страна на Центарот за развој на Пелагонискиот плански регион. Патеките се дел од Студијата за развој на манастирскиот туризам на Баба Планина и за истите дополнително се испечатени и мапи на англски и македонски јазик.

Патеки:

-Виа Игнациа: Трново  -Магарево – Ротино – Цапари – Маловишта;

-Патека по светите води: Грнчари – Курбиново –Сливница – Брајчино – Љубојно -Долно Дупени;

-Патека: Маловишта – Св.Ана – Сливнички манастир;

-Патека: Брајчино – Големо Езеро – Ниже поле.

Краен резултат од ангажманот ќе биде извршена ревизија на дадените патеки документирана преку изработен Извештај за извршени задачи и утврдени состојби на патеките.

РАБОТНИ ЗАДАЧИ

За успешна реализација на ревизијата на патеките на терен, ангажираниот експерт ќе ги изврши следните работни задачи:

1.Утврдување на состојбата на патеките и евентуални отстапки од трасата опишана во Студијата за развој на манастирскиот туризам на Баба Планина.

2.Утврдување на евентуални одстапувања и оштетувања на поставената сигнализација вдолж патеките.

3.Достапност на патеките во различни временски сезони и проверка и утврдување на времето потребно истите да се поминат во различни временски сезони и услови (време потребно во зима, во лето).

Опис на работни задачи – Превземи

Ревизијата на текстот на Каталогот треба да утврди дали од неговото првично составување па заклучно со јануари 2016 година, настанале значителни промени во условите и информациите за црквите и манастирите кои се поместени во Каталогот во смисла на: достапност на истите за домашните и странските туристи, промена на статусот на заштита и значителни промени во нивните културно-историски вредности кои може да имаат влијание врз намалување/зголемување на нивната туристичка вредност.

 

При ревизијата на текстот на Каталогот во предвид треба да бидат земени следните патеки:

– Виа Игнациа: Трново – Магарево – Ротино – Цапари – Маловишта

– Патека по светите води: Грнчари – Курбиново – Сливница – Брајчино – Љубојно – Долно Дупени

– Патека: Маловишта – Св. Ана – Сливнички манастир

– Патека: Брајчино – Големо Езеро – Ниже поле

Краен резултат од ангажманот ќе бидат ревидиран текст на Каталогот со цркви и манастири на Баба Планина и Извештај за измените од првичниот текст на Каталогот.

Опис на работни задачи – Превземи

Центар за развој на Пелагонискиот плански регион во рамките на проектот “Проширување на функциите на центрите за развој на планските региони во насока на спроведување на активности/услуги за поддршка на приватниот сектор” , финансиски поддржан од Министерството за локална самоуправа, на 29-ти декември 2015 година, во Ресен, организира информативна средба за презентирање на финансиските инструменти кои се наменети за приватниот сектор од Ресен.

 

Целта на оваа средба беше да се престават можностите за финансирање на бизнисите преку користење на финансиските средства од инструментите, Хоризонт 2020, Косме, СМЕ Инструментот, ИПА Програма за прекугранична соработка.

На средбата беше презентирано и портфолиото на услуги на Центарот за развој на Пелагонискиот плански регион, достапно за приватниот, јавниот и граѓанскиот сектор. Во таа насока ЦРППР е подготвен да дава услуги за општо информирање преку постоечките веб портали и директни средби со заинтересираните страни за различните можности за финансирање, поддршка за подготовка на предлог проекти до национални и меѓународни фондови, услуги за спроведување на обуки, изработка на анализи, организирање на кампањи и промотивни настани и др.

Центар за развој на Пелагонискиот плански регион во рамките на проектот “Интегрирана мрежа за регионален развој” , технички и финансиски поддржан од страна УНДП и Министерството за локална самоуправа, на 29 декември 2015 година, во Ресен, одржа информативна средба за презентирање на финансиските инструменти кои се наменети за агро-бизнис секторот.

 

Целта на оваа средба беше да се престават можностите за финансирање на бизнисите преку користење на финансиските средства од инструментите, Хоризонт 2020, Косме, СМЕ Инструментот, ИПА Програма за прекугранична соработка.

На средбата беше презентирано и портфолиото на услуги на Центарот за развој на Пелагонискиот плански регион, достапно за приватниот и граѓанскиот сектор.

На 15.12.2015 година во просториите на Центарот за развој на Пелагониски плански регион во Битола  се одржа 13-та седница на Советот за развој на Пелагониски плански регион. На седницата, меѓудругото, СРППР донесе одлука за утврдување на приоритетни проекти кои ќе се поднесат во рамките на Програмата за регионален развој на РМ во 2016 година.

 

Согласно одлуката на СРППР, приоритетните проекти за развој на регионот во 2016 ќе опфатат подобрување на регионална конкурентност, изградба на патна инфраструктура,  заштита на животната средина, подобрување на туристичката понуда на регионот како и  изградба на инфраструктура за трговија со земјоделски производи. Вкупната вредност на подготвените приоритетни проекти изнесува приближно 27.000.000 мкд.