Центарот за развој на Пелагонискиот плански регион во соработка со УСАИД Проектот за експанзија на мали бизниси имплементиран од Карана Корпорација на 26-ти мај официјално предаде 12 пластеници на земјоделци од Пелагонискиот регион, кои директно ќе послужат за зголемување не само на квалитетот, туку и на квантитетот на производството на пиперка во овој регион.
Оваа иницијатива претставува пилот проект во рамките на ПеЛАГонија ЛЕАДЕР Проектот, финансиски поддржан од УСАИД Проектот за експанзија на мали бизниси.На настанот беа потпишани и договори за примопредавање на опремата, која беше навремено предадена и инсталирана кај сите 12 земјоделци. Земјоделците од Прилепскиот регион се задоволни од реализацијата на ваков проект и се надеваат дека во иднина ќе го зголемат и подобрат производството на пиперка на нивните поседи, а со тоа ќе придонесат за подобар пласман на пиперката во регионот и пошироко.Центарот за развој на Пелагонискиот плански регион и во иднина ќе продолжи со реализирање на проекти кои ќе придонесат за унапредување на земјоделското производство , а со тоа и подобрување на квалитетот на живот на жителите во руралните средини.
No comment yet, add your voice below!