Центарот за развој на Пелагонискиот плански регион во рамките на проектот “Воведување и спроведување на ЕУ ЛЕАДЕР пристапот во Пелагонискиот регион” на 26 Март 2013 година во Хотел Кристал Палас во Прилеп ќе организира тренинг на тема: “Вмрежување на локалните заинтересирани страни”.
Целта на тренингот ќе биде да се добијат информации за користа од мрежите и вмрежувањето за успешен регионален развој, како и за различните видови на мрежи во регионалниот рурален менаџмент. Преку работа во групи учесниците ќе имаат можност ја разберат улогата на менаџментот во вмрежувањето и за факторите за успешност во вмрежувањето.
“Воведување и спроведување на ЕУ ЛЕАДЕР пристапот во Пелагонискиот регион” е финансиски поддржан од УСАИД Проектот за експанзија на мали бизниси, имплементиран од Карана Корпорација.
No comment yet, add your voice below!