Пелагонискиот плански регион на 8-ми Мај се претстави на Плоштадот „Македонија“ во Скопје во рамките на проектот „Промотивни денови на регионите“

Пелагонискиот плански регион на 8-ми Мај се претстави на Плоштадот „Македонија“ во Скопје во рамките на проектот „Промотивни денови на регионите“ под мотото „Сакај ја Македонија – уживај во својата татковина“.

Беше презентирана дел од културата на секоја општина во рамките на нашиот регион (Битола, Прилеп, Крушево, Ресен, Демир Хисар …

, Новаци, Могила, Долнени, Кривогаштани),  можностите за инвестирање, природните богатства и туристичките атрактивности низ промотивни брошури, традиционална храна и производи. Исто така, граѓаните се запознаа со делокругот на работење на Центарот за развој на Пелагонискиот плански регион.

Атрактивниот сценски перформанс што беше спој меѓу традиционалната музика репрезентирана преку културно-уметничките друштва на повеќето општини и современиот панк на „Паркети“ од Битола и блуз на „Crossroad Blues Band“ од Прилеп, беше предизвик за голем број Скопјани да присуствуваат на овој настан.

Манифестацијата свечено беше отворена од страна на Претседателот на ЗЕЛС, г-дин Коце Трајаноски, а поздравни говори одржаа и Претседателот на Пелагонискиот плански регион, г-дин Владимир Талески, и Раководителот на Центарот за развој на Пелагонискиот плански регион, г-ѓа Емилиа Ѓероска.

Оваа манифестација е во организација на ЗЕЛС и вп текот на секоја наредна сабота до 26 Јуни ќе се претстават останатите 7 плански региони во Македонија.